Мемлекет басшысы Қасым-Жомарт Тоқаев тағы бір микроқаржы ұйымын (МҚҰ) екінші деңгейлі банкке айналдыру туралы шешімді қолдады, деп хабарлайды LS.
"Елде BNK Finance Kazakhstan кореялық микроқаржы ұйымы жұмыс істейді. Мен оны екінші деңгейлі банкке айналдыру туралы шешімді қолдаймын", — деді ол Оңтүстік Корея президенті Юн Сок Ёлмен кездесу барысында.
BNK Finance Kazakhstan жалғыз акционері Оңтүстік Кореяның BNK Capital компаниясы болып табылады.
Ұлттық банктің мәліметінше, 2024 жылдың 1 сәуірінде МҚҰ 20 млрд теңгеден асатын активтер бойынша 13-ші орында тұр. Ал BNK Finance Kazakhstan кредиттік портфелі 18,8 млрд теңгені, баланс бойынша меншікті капитал – 7,3 млрд теңгені, ал шығын – 360,03 млн теңгені құрайды.
Ал, микроқаржы ұйымының сайтында 5 млн теңгеге дейін кепілсіз несие, жүргізуші куәлігі бар көлікті кепілге алған ақша және ескі көлік сатып алуға несие сияқты өнімдер ұсынылатыны айтылған.
Еске салайық, өткен жылы екі ірі KMF және Solva микроқаржы ұйымдарын банктерге конвертациялауға ниетті екені белгілі болды.
